អៀង លីនដា

ថ្ងៃនេះLWHRD បានជួបធ្វើការសន្ទនាជាមួយ អៀង លីនដាដែលជាស្រ្តីវ័យក្មេងប្រកបដោយសក្តានុពលក្នុងការដឹកនាំ។ លីនដា គឺជាស្រ្តីវ័យក្មេងម្នាក់ដែលចូលរួមយ៉ាងសកម្មក្នុងការអភិវឌ្ឍសង្គម តាមរយៈការរៀបចំវគ្គបណ្តុះបណ្តាលដូចជា ភាពជាអ្នកដឹកនាំ ក៍ដូចជាការរៀបចំកម្មវិធីនានាជាដើម។ ស្រ្តីវ័យក្មេងម្នាក់នេះ ចាប់ផ្តើមធ្វើសកម្មភាពទាំងនេះដោយសំលឹងឃើញថា ខ្លួូននឹងអាចចូលរួមចំណែកក្នុងការដោះស្រាយបញ្ហាសង្គម ក៍ដូចជាបង្ហាញពីសក្តានុពលរបស់យុវជនក្នុងការចូលរួមចំណែកក្នុងការលើកកម្ពស់ការគោរពសិទ្ធិ និងលទ្ធិប្រជាធិប្បតេយ្យនៅកម្ពុជា។ ជាងនេះទៅទៀតការបង្ហាញពីភាពប៉ិនប្រសប់ក្នុងការដឹកនាំជីវិតផ្ទាល់ខ្លួន ក៍ដូចជាសកម្មភាពនានា បានធ្វើឲ្យលីនដាក្លាយជាយុវជនគំរូសម្រាប់យុវជនវ័យក្មេងជាច្រើនទៀត។

10983852_1047935735235658_6517436573210823543_n

ស្របជាមួយនឹងភាពឆ្លាតវ័យរបស់ខ្លួន ស្រ្តីវ័យក្មេងរូបនេះក៍ជួបប្រទះនូវបញ្ហាប្រឈមផ្សេងៗក្នុងជីវិតក៍ដូចជាក្នុងពេលបំពេញការងារផងដែរ។ បញ្ហាមួយដែលលីនដាគិតថាជាបញ្ហាប្រឈមខ្លាំងសម្រាប់ខ្លួនឯងក៍ដូចជាស្រ្តីជាច្រើនផ្សេងទៀត គឺការមិនទាន់មានការទទួលស្គាល់ពេញលេញចំពោះការងារដែលខ្លួនធ្វើក្នុងនាមជាស្រ្តី។ តួយ៉ាងដូចជាការធ្វើការចេញពីធ្វើការពេលយប់ជាដើម បានក្លាយជាប្រធានបទដែលត្រូវសមាជិកសហគមន៍មួយចំនួននិយាយមិនល្អដោយមិនបានសួរទៅកាន់លីនដាទេថា “គាត់ចំណាយពេលពីព្រឹកដល់យប់ធ្វើអ្វីខ្លះ? ហើយធ្វើដើម្បីអ្វី?”។ បើទោះជាមានបញ្ហាយ៉ាងនេះក្តី ក៍លីនដានៅតែព្យាយាមជម្នះបញ្ហាទាំងនេះ។ លីនដាអាចយកឈ្នះបញ្ហាទាំងនេះបាន អាស្រ័យដោយមានការលើកទឹកចិត្តពីក្រុមគ្រួសារ មិត្តភ័ក្ភ និងអ្នកនៅជុំវិញខ្លួន។ ទន្ទឹមនឹងនេះ លីនដាក៍សង្ឃឹមដែរថា “ក្រុមគ្រួសារព្រមទាំងសហគមន៍នឹងលើកទឹកចិត្ត ព្រមទាំងផ្តល់ឳកាសដល់ស្រ្តី និងក្មេងស្រី ឲ្យទទួលបានការអប់រំ និងឳកាសដូចក្មេងប្រុស ឬបុរសដែរ”។

សូមចុចនៅទីនេះដើម្បីអានបន្ថែម!

ឃួយ ម៉ារឺដឹប

ឃួយ ម៉ារឺដឹប គឺជាស្រ្តីម្នាក់ដែលមានឯករាជ្យភាពក្នុងការធ្វើសេចក្តីសម្រេចចិត្តពាក់ព័ន្ធទៅនឹងជិវិតផ្ទាល់ខ្លួន។ បច្ចុប្បន្ននេះ ម៉ារឺដឹបកំពុងតែបម្រើការក្នុងអង្គការអន្តរជាតិមួយក្នុងរាជធានីភ្នំពេញ ដោយផ្តោតជាចំបងទៅលើការបញ្ចប់អំពើហិង្សាលើស្រ្តី និងក្មេងស្រី។ កាលដើមឡើយម៉ារឺដឹប គ្រាន់តែជានិស្សិតវ័យក្មេងម្នាក់ដែលស្វែងរកការងារស្ម័គ្រចិត្តដើម្បីទទួលបានបទពិសោធន៍ក្នុងការធ្វើការងារនាពេលដែលខ្លួនបញ្ចប់ការសិក្សាតែប៉ុន្នោះ។ ដោយសារតែការធ្វើការងារស្ម័គ្រចិត្តទាំងនេះហើយ ដែលជាដើមទុនក្នុងការកំណត់ពីទិសដៅជិវិតរបស់ម៉ារឺដឹប។ ម៉ារឺដឹបមានក្តីស្រមៃថា កម្ពុជានឹងក្លាយជាសង្គមមួយដែលពោពេញទៅដោយការគោរពសិទ្ធិស្រ្តី និងជាសង្គមដែលអាចលុបបំបាត់រាល់ទំរង់នៃអំពើហិង្សាលើស្រ្តីនាពេលអនាគត។

 

ការបំពេញការងាររបស់ខ្លួនដោយភ្ជាប់ជាមួយនឹងទស្សនៈវិស័យមួយនេះ មិនមែនជារឿងងាយស្រួលឡើយ។ ម៉ារឺដឹបជួបប្រទះនូវបញ្ហាប្រឈមជាច្រើនក្នុងពេលបំពេញការងារ។ បញ្ហាចំបងនោះគឺ ការពុំសូវគោរព និងឲ្យតម្លៃលើសមត្ថភាពការងាររបស់គាត់ដែលជាស្រ្តីវ័យក្មេង ដោយផ្អែកទៅលើផ្នត់គំនិត “ស្រ្តីមុជមិនជ្រៅទៅមិនឆ្ងាយ ឬ ស្រ្តីបង្វិលជើងក្រានមិនជុំជាដើម”។ បើទោះបីជាបញ្ហាប្រឈមទាំងនេះកើតឡើងលើម៉ារឺដឹបក៍ពិតមែន ក៍ស្រ្តីវ័យក្មេងម្នាក់នេះ ពុះពារគ្រប់ឧបសគ្គ ដោយប្រើសិល្បៈនៃការបំពេញការដើម្បីបង្ហាញថាខ្លួនមានសមត្ថភាពគ្រប់គ្រាន់ដើម្បីបំពេញការងារ ដូចមនុស្សឯទៀតៗដែរ ពោលគឺមិនមានអ្វីខុសគ្នាទៅនឹងបុរស។

សូមចុចនៅទីនេះដើម្បីអានបន្ថែម! 

យុទ្ធនាការច្រៀងចម្រៀងថ្ងៃ៨មីនា បានផ្តួចផ្តើមឡើងដោយគម្រោងដំណើរជីវិតរបស់ស្រ្តីដែលធ្វើការការពារសិទ្ធិមនុស្ស សហការជាមួយអ្នកដឹកនាំវ័យក្មេង៨នាក់ផ្សេងទៀត។

យុទ្ធនាការនេះរៀបចំឡើងក្នុងគោលបំណងអបអរសាទរទិវាសិទ្ធិនារីអន្តរជាតិ៨មីនា នៅថ្ងៃទី៨ ខែមីនា ឆ្នាំ២០១៤ ក្នុងគោលបំណងផ្សព្វផ្សាយអំពីសិទ្ធិស្រ្តី។ សមាជិករបស់យុទ្ធនាការបាននិពន្ធបទចម្រៀងថ្មីសម្រាប់យុទ្ធនាការ។

ចង់ដឹងអត់ថាតើអ្នកណាខ្លះជាអ្នករៀបចំយុទ្ធនាការនេះ?

  1. សៅ សេរីសុទ្ធា(អ្នកច្រៀង)
  2. ភោគ ស្រីពេជ្យ (អ្នកថតរូប)
  3. លី រតនៈ (អ្នកលេងហ្គីតា)
  4. សៀន ប៊ុនរិទ្ធ (អ្នកថតរូប)
  5. ឡេង ហ៊ីវហ្វី(អ្នកនិពន្ធចម្រៀង)
  6. យុវនិស្សិតបីនាក់ដែលមិនបញ្ចេញឈ្មោះ (អ្នកច្រៀង)
  7. ដំណើរជីវិតរបស់ស្រ្តីដែលធ្វើការការពារសិទ្ធិមនុស្ស(អ្នកសម្របសម្រួលដំណើរការទូទៅ)

តើពួកយើងបានធ្វើអ្វីខ្លះ?

  • ២នាក់ក្នុងចំណោមពួកយើងជាអ្នកលេងភ្លេង
  • ៤នាក់ក្នុងចំណោមពួកយើងជាអ្នកច្រៀង
  • ឯ២នាក់ទៀតគឺជាអ្នកថតរូប

តើយើងច្រៀងនៅទីណា?

យើងបានច្រៀងចម្រៀងនៅមុខព្រះបរមរាជរាំង និងតាមមាត់ទន្លេនៅរាជធានីភ្នំពេញ។

តើអ្វីបានកើតឡើង?

ដំបូងឡើងយើងច្រៀងនៅមុខព្រះបរមរាជវាំង។ មានតែសមាជិកយើងប៉ុន្នោះដែលច្រៀង។ ប្រហែលជា២០នាទីក្រោយមក មានមនុស្សប្រហែលជា២០នាក់បានចូលរួមជាមួយយើង។ យើងបានច្រៀងនៅ៦កន្លែងផ្សេងពីគ្នា ដោយមានចូលរួមជាមួយយើងប្រហែលជា១០០នាក់។ នៅថ្ងៃនោះយើងច្រៀងរហូតដល់អ្នកចូលរួមអាចចាំចម្រៀងយើងបាន ទើបយើងប្តូរទីកន្លែង។ យើងបញ្ចប់យុទ្ធនាការរបស់យើងនៅម៉ោង៨យប់។

អ្នកចូលរួមបានចែករំលែកមកកាន់យើងថា៖ ខ្ញុំចូលចិត្តយុទ្ធនាការនេះពីព្រោះខ្ញុំអាចចូលរួមបាន ហើយអត្ថន័យនៃចម្រៀងជាប្រយោជន៍ដល់សង្គម។ ចំណែកឯសមាជិកវ័យក្មេងរបស់យើងក៍លើកឡើងដែរថា “ នេះគឺជាលើកទីមួយហើយដែលខ្ញុំចូលរួមធ្វើយុទ្ធនាការ។ ខ្ញុំពិតជារីករាយណាស់ដែលឃើញមានអ្នកដទៃចូលរួមជាមួយយើង។”

តើអ្នកចង់ច្រៀងចម្រៀងជាមួយយើងទេ? ខាងក្រោមនេះគឺជាចម្រៀងរបស់យើង!

I. ៨មីនាជាថ្ងៃដ៍មានអត្ថន័យ គឺជាថ្ងៃនារីលើសាកលលោក ស្រ្តីមានសិទ្ធិ ដូចបុរស ទាំងអស់គ្មានសោះទេ ការរើសអើង។ ត្រូវក្លាហ៊ាន ចូលរួមកសាងសង្គម អភិវឌ្ឍន៍លើគ្រប់វិស័យ លើកតម្លៃ សិទ្ធិសេរី ឲ្យបានជ្រួលជ្រាបដល់មនុស្សគ្រប់គ្នា។

R. ស្រ្តីជាស្នូលនៃសង្គម ជានិមិត្តរូបនៃក្តីសុខុម ស្រ្តីជាមានតានៃពិភពលោក។

II. ជាស្រ្តីត្រូវឲ្យតម្លៃខ្លួនជានិច្ច មិនភ្លេចរក្សាមិត្តភាពល្អ ត្រូវក្លាហ៊ាន មិនបោះបង់ មិនឲ្យជួបឧបសគ្គប្រោះខ្លួនជាស្រ្តី មិនឲ្យជួបឧបសគ្គប្រោះខ្លួនជាស្រ្តី មិនឲ្យជួបឧបសគ្គប្រោះខ្លួនជាស្រ្តី មិនឲ្យជួបឧបសគ្គប្រោះខ្លួនជាស្រ្តី។

(និពន្ធដោយ ឡេង ហ៊ីវហ្វី)

សូមចុចនៅទីនេះដើម្បីអានបន្ថែម!

មួង វណ្ណឌី

“បង! យករឿងខ្ញុំទៅធ្វើអី?” គឺជាប្រយោគដំបូងដែលអ្នកសារព័ត៌មានវ័យជាង២០ឆ្នាំបាននិយាយមកកាន់ LWHRD។ មួង វណ្ណឌី គឺជាឈ្មោះអ្នកអ្នកសារព័ត៌មានវ័យក្មេងរូបនេះ។ វណ្ណឌីបានប្រកបការងារជាអ្នកសារព័ត៌មានអស់រយៈកាលជាងពីរឆ្នាំមកហើយ ពោលគឺចាប់តាំងពីបញ្ចប់ការសិក្សាថ្នាក់បរិញ្ញាបត្រ ផ្នែកគ្រប់គ្រងសារព័ត៍មានក្នុងឆ្នាំ២០១៤មកម្លេះ។ “ខ្ញុំធ្វើអ្នកសារព័ត៌មានពីព្រោះតែខ្ញុំចូលចិត្ត និងចែករំលែកព័ត៍មានដល់មហាជន” គឺជាចម្លើយដែលវណ្ណឌីឆ្លើយទៅនឹងសំនួរ ហេតុអ្វីបានជាធ្វើអ្នកកាសែត? អ្នកសារព័ត៌មានមិនមែនជាអាជីពងាយស្រួលប៉ុន្មានទេ។ ដើម្បីទទួលបានព័ត៌មានវណ្ណឌី ត្រូវមានភាពក្លាហាន និងទំនុកចិត្តខ្ពស់ក្នុងការចុះទៅយកព័ត៌មាននៅតាមទីតាំងផ្សេងៗ ដែលពេលខ្លះគាត់ត្រូវប្រឈមនឹងបញ្ហាសុវត្ថិភាពផ្ទាល់ខ្លួនផងដែរ។ វណ្ណឌីបាននិយាយពោពេញទៅដោយទំនុកចិត្តថា “យើងសរសេរព័ត៌មានគឺមិនឲ្យពួកគាត់ជឿលើយើងទេ គឺយើងឲ្យពួកគាត់ពិចារណាថាត្រូវឬក៍ខុស”

0

តើអ្នកសារព័ត៌មានវ័យក្មេងរូបនេះជួបប្រទះបញ្ហាប្រឈមអ្វីខ្លះក្នុងពេលបំពេញការងារ? តើក្នុងនាមជាអ្នកសារព័ត៌មាន វណ្ណឌីធ្វើយ៉ាងណាខ្លះដើម្បីជម្នះបញ្ហាប្រឈមទាំងនេះ? សូមចុចនៅទីនេះដើម្បីអានបន្ថែម!

LWHRD at One Young World

Sotheary You, a founder of Life of Women Human Rights Defender (LWHRD), has been invited to be a delegate speaker of One Young World Summit 2015 which was held in Bangkok of Thailand in November 2015.

At One Young World, Sotheary shared, with more than 1300 young people around the world, her work on human rights in Cambodia as well as challenges that women human rights defenders have been facing.

Click on the video to  hear what she spook at One Young World. 

Check out some activities at One Young World!  

This slideshow requires JavaScript.

 

Global Forum on Youth Peace and Security was held on 21-22 August 2015 in Amman, Jordan. The forum gathered 500 young professional across the world, coming together to adopt Amman Youth Declaration.

In the forum, Life of Women Human Rights Defender has been invited to be a speaker at the panel of Women Peace and Security (WPS) which the suffering and challenges of women human rights defenders has been brought to discuss in the panel as well as to share with people across the glob.

Check out some activities!

This slideshow requires JavaScript.

LWHRD on Isis Newsletter

In April 2014, Founder of LWHRD has been invited to attend the training on “Women Human Rights Defenders” in Manila. The training was organized by Isis International School of Women Human Rights Defenders which gathered more than 20 feminists across Asia Pacific region.

Four months after the training, LWHRD has been captured on the newsletter of Isis International. Do you want to learn more what LWHRD shared with other feminists?

Click here to go to the newsletter!

 

 

ប៊ន កញ្ញា

ប៊ន កញ្ញា គឺជាបុគ្គលិកនៃក្រុមហ៊ុនឯកជនមួយដែលចំណាយពេលផ្ទាល់ខ្លួនក្នុងការធ្វើការងារស្ម័គ្រចិត្តដើម្បីធ្វើឲ្យមានភាពប្រសើឡើងនៃការគោរពសិទ្ធិមនុស្សនៅប្រទេសកម្ពុជា។ មុននឹងបម្រើការងារក្នុងវិស័យឯកជន កញ្ញាបានធ្វើជាអ្នកស្ម័គ្រចិត្ត ក៍ដូចជាបុគ្គលិកតាមអង្គការសង្គមស៊ីវិលមួយចំនួនក្នុងទីក្រុងភ្នំពេញ។ កញ្ញាចាប់ផ្តើមប្រលូកក្នុងការងារសង្គមដោយសារតែមានទឹកចិត្តចង់ចូលរួមចំណែកអភិវឌ្ឍន៍សង្គមតាមលទ្ធភាពដែលខ្លួនអាចធ្វើទៅបាន។  ដោយសារតែទឹកចិត្តនេះហើយ ទើបកញ្ញានៅតែបន្តការងារស្ម័គ្រចិត្តក្នុងការលើកកម្ពស់ការគោរពសិទ្ធិស្រ្តី ក៍ដូចជាសិទ្ធិសហគមន៍ និងសិទ្ធិកម្មករកម្មការនីដែលកំពុងបម្រើការក្នុងវិស័យផ្សេងៗ។

13501824_295529764167988_1001130933936484709_n

ស្របជាមួយនឹងការតាំងចិត្តខ្ពស់ក្នុងការបំពេញបេសកកម្មដើម្បីសម្រេចនូវក្តីស្រមៃរបស់ខ្លួន កញ្ញាក៍ប្រឈមជាមួយនឹងបញ្ហាជាច្រើនផងដែរ ដែលក្នុងនោះរួមបញ្ចូលទាំងការរារាំងនូវការធ្វើសកម្មភាពផ្សេងៗក្នុងសហគមន៍ពីសំណាក់អាជ្ញាធរ និងផ្នត់គំនិតសង្គមដែលពុំសូវគោរព និងឲ្យតម្លៃចំពោះភាពជាអ្នកដឹងនាំរបស់ស្រ្តី។ ពេលខ្លះគាត់ស្ទើរតែបោះបង់ចោលនូវក្តីស្រមៃដែលចង់បានសង្គមមួយដែលមនុស្សគ្រប់រូបអាចរស់នៅដោយសមភាព និងសមធម៌ ដោយសារតែសម្ពាធផ្នត់គំនិតសង្គម និងវប្បធម៌ទាំងនេះ។ ទោះជាយ៉ាងណាក៍ដោយ ស្រ្តីវ័យក្មេងដែលមានស្រុកកំណើតក្នុងខេត្តកណ្តាលរូបនេះ នៅតែលើកទឹកចិត្តខ្លួនឯងជានិច្ចដើម្បីជម្នះរាល់បញ្ហាផ្សេងៗដែលខ្លួនបានជួបប្រទះ។ កញ្ញានិយាយដោយមានទំនុកចិត្តថា “ប្រសិនបើយើងជួបបញ្ហាប្រឈម ហើយមិនដោះស្រាយ នោះវានឹងមិនមានការផ្លាស់ប្តូរនោះទេ។ ទោះបីជាពេលខ្លះវាពិបាក តែឲ្យតែយើងរក្សាគំនិតវិជ្ជមាន នោះយើងនឹងអាចកែប្រែស្ថានភាពលំបាកទាំងនោះបាន។”

សូមចុចនៅទីនេះដើម្បីអានបន្ថែម! 

ឱក សេរីរ័ត្ន

ឱក សេរីរ័ត្នបានប្រលូកក្នងការងារសង្គមជាច្រើនឆ្នាំមកហើយ ពោលគឺចាប់តាំងពីធ្វើជាអ្នកស្ម័គ្រចិត្តរហូតក្លាយជាមន្ត្រីគម្រោងនៃអង្គការមិនមែនរដ្ឋាភិបាលមួយ។ សេរីរ័ត្នធ្លាប់គិតថាការដែលខ្លួនក្លាយជាអ្នកដឹងនាំវ័យក្មេងដ៏ឆ្នើមម្នាក់គឺជាភាពចៃដន្យតែប៉ុណ្ណោះ ដោយហេតុថាកាលដើមឡើយខ្លួនពុំដែលស្រមៃពីការធ្វើការងារសង្គម ឬប្រកបការងារក្នុងវិស័យសង្គមស៊ីវិលឡើយ។ អ្នកដឹកនាំវ័យក្មេងរូបនេះចូលរួមចំណែកក្នុងការអភិវឌ្ឍសង្គម ដោយផ្តើមពីការដើរតាមមិត្តភ័ក្ភចូលរួមកម្មវិធីផ្សេងៗរបស់អង្គការនានា ដែលជាឳកាសក្នុងការប្រែក្លាយខ្លួនឲ្យក្លាយជាស្រ្តីម្នាក់ដ៍មានសក្តានុពលក្នុងការដឹងនាំ។ ទន្ទឹមនឹងភាពជោគជ័យលើការងាររបស់ខ្លួន សេរីរ័ត្នក៍ជួបប្រទះបញ្ហាប្រឈមមួយចំនួនដែរ ដែលបញ្ហាចំបងគឺផ្នត់គំនិតខ្មែរចំពោះកូនស្រី ឬស្រ្តី។ កត្តាទាំងនេះបានធ្វើឲ្យស្រ្តីអ្នកដឹកនាំរូបនេះមានការបាក់ទឹកចិត្តក្នុងការបំពេញការងារ ហើយពេលខ្លះគាត់ក៍មានអារម្មណ៍ថាខ្មាស់អៀនអ្នកជិតខាងដោយសារតែការចុះសហគមន៍ជាញឹកញាប់។ អ្នកដឹងនាំវ័យក្មេងដ៍ឆ្នើមម្នាក់នេះពុះពារគ្រប់ឧបសគ្គដើម្បីសម្រេចនូវក្តីស្រមៃរបស់ខ្លួន។ សេរីរ័ត្ននិយាយដោយមុតមាំថា “សម្រាប់ខ្ញុំ ខ្ញុំគិតថាអ្វីដែលខ្ញុំធ្វើគឺត្រឹមត្រូវ។ វាជាការសម្រេចចិត្តរបស់ខ្ញុំ។ ខ្ញុំធ្វើការងារទាំងនេះដោយមិនប៉ះពាល់ដល់អ្នកដទៃទេ គឺដើម្បីផលប្រយោជន៍របស់សង្គម។”

13327638_892146934246512_5852582554644353305_n

សូមចុចនៅទីនេះដើម្បីអានបន្ថែម!

 

ហួត ថាវី

ថ្ងៃនេះLWHRD បានធ្វើការសម្ភាសន៍ ហួត ថាវី ដែលនឹងត្រូវបន្តការសិក្សានៅសហរដ្ឋអាមេរិកនៅពេលដ៍ខ្លីខាងមុខនេះ លើមុខជំនាញការអភិវឌ្ឍអន្តរជាតិដោយនិរន្តរភាព (Sustainable International Development) នៅសាកលវិទ្យាល័យ ប្រែនឌីស(Brandeis university)។ បច្ចុប្បន្ននេះ ថាវីកំពុងតែបម្រើការងារក្នុងអង្គការសង្គមស៊ីវិលមួយដែលផ្តោតទៅលើការលើកកម្ពស់សិទ្ធិជនដែលមានសម្លេងតិចក្នុងសង្គម។ ស្រ្តីវ័យក្មេងរូបនេះបានបោះបង់ការសិក្សាផ្នែកវេជ្ជសាស្រ្តក្នុងឆ្នាំ២០១៤ គឺក្រោយពេលដែលគាត់ចំណាយពេលសិក្សាលើមុខវិទ្យានេះអស់រយៈពេល៤ឆ្នាំទៅហើយ។  ថាវីបានប្តូរមកសិក្សាផ្នែកសិក្សាអន្តរជាតិវិញដោយរំពឹងថានឹងប្រើអ្វីដែលគាត់បានរៀនដើម្បីបម្រើប្រយោជន៍សម្រាប់សង្គម។ ថ្វីត្បិតតែយុវតីរូបនេះលះបង់ច្រើនដើម្បីធ្វើការងារសង្គមក៍ពិតមែន តែគាត់ក៍ជួបបញ្ហាប្រឈមជាច្រើនផងដែរ។ ស្រ្តីវ័យក្មេងរូបនេះនៅតែមានការតាំងចិត្តខ្ពស់ក្នុងការបំពេញការងារដែលខ្លួនពេញចិត្ត។

1450275_634027719981804_1288224859_n

ហេតុអ្វីបានជាគាត់សម្រេចចិត្តប្តូរមុខវិទ្យាសិក្សា? តើកត្តាអ្វីខ្លះដែលជម្រុញឲ្យគាត់មានថ្ងៃនេះ? សូមចុចនៅទីដើម្បីស្តាប់សំឡេង!